Gaur Egun

Urriaren 17an prebentzio, partaidetza eta hausnarketa partekatuko jardunaldi oso bat izango da. Goizez eta arratsaldez, Foru Plazara hurbildu ahal izango zara, eta han kalean egongo gara, ideiak, gomendioak eta tresnak partekatzen, hiri-ingurunean gure segurtasuna hobetzeko. Eta gehiagorako gogoz geratzen bazara, arratsaldean Santa Ana antzokian jarraituko dugu, saio parte-hartzaile eta umorez beteriko bakarrizketa batekin.

Urriaren 15ean Hernanin izango gara “100 aldiz begiratu” programarekin. 65 urte baino gehiago badituzu, zatoz mugikortasun seguruari buruzko jarduera praktikoez gozatzera. Zu zaintzeko modu erabilgarri eta entretenigarria!

Kaleak izan ziren gure abiapuntua, eguneroko arriskuak detektatu genituen eta horiek nola saihestu pentsatu genuen. Baina adinekoen zentroan bizi izan ziren unerik pertsonal eta hezitzaileenak: konplizitatez betetako saio parte-hartzailea eta barre ugarirekin gozatu genuen bakarrizketa. Ikasitakoa, partekatutakoa eta oroitzapen on pila eraman ditugu!

Goizean eta arratsaldean kalean egon gara kezkak entzuten eta aholku praktikoak partekatzen. Eta arratsaldean, adinekoen zentroa espazio bizia eta esperientziaz betea bihurtu da. Bakarrizketa amaiera bikaina izan da eduki handiko… eta bihotz handiko egunerako.

Hala bada, “100 aldiz begiratu, arriskua gutxien espero duzun tokian dago” bide-hezkuntzako programa ezin duzu galdu . Urriaren 8an iritsiko da Gueñesera. Egun osoan zehar Sodupeko Herriko Plazan bisita gaitzazu eta ondo pasa arratsaldean bide-hezkuntzako bingoarekin eta Sergio Arrospideren bakarrizketarekin Sodupeko erretiratuen klubean.

Goizez eta arratsaldez kalean modu seguruan eta kontzientean nola mugitu hausnartu dugu. Baina baliotsuena, zalantzarik gabe, San Joxepe zentrotik eraman duguna izan da: entzute aktiboko tarte bat, parte-hartze zintzoa eta bakarrizketa bat, gauza asko gertatzen zaizkigula ere, hori prebenitzeko asko egin dezakegula ikusarazi ziguna. Eskerrik asko etxean sentiarazteagatik!